Субҳи 7 октябр дар Фурудгоҳи байналмилалии Душанбе маросими истиқболи ҳайати варзишии Ҷумҳурии Тоҷикистон — иштирокдорони Бозиҳои 20-уми Осиёии Айичӣ–Нагоя — 2026 баргузор гардид.
Ба иттилои Кумитаи ҷавонон, варзиш ва сайёҳии кишвар, дар маросим муовини якуми раиси ин кумита, муовини раиси шаҳри Душанбе ширкат кардаанд.
Ёдовар мешавем, ки бозиҳои 20-уми Осиёӣ аз 19 сентябр то 4 октябри соли 2026 дар Ҷопон баргузор гардида, варзишгарони Тоҷикистон дар ин мусобиқа соҳиби 16 медал — 2 тилло, 5 нуқра ва 9 биринҷӣ гардида, дар ҷадвали умумии медалҳо мақоми 22-юмро ишғол намуданд.
Медалҳои Тоҷикистон аз рӯи намудҳои варзиш:
Муҳорибаҳои омехта — 2 тилло ва 1 нуқра;
Кураш — 2 нуқра ва 1 биринҷӣ;
Ҷудо — 1 нуқра ва 3 биринҷӣ;
Гӯштини тарзи озод — 1 нуқра ва 2 биринҷӣ;
Бокс — 2 биринҷӣ;
Каратэ-до — 1 биринҷӣ.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
