Ширкати Samsung дар намоишгоҳи VivaTech 2026 дар шаҳри Порис хадамоти нави зеҳни сунъиро барои санҷиши ибтидоии вазъи саломатии ҳайвоноти хонагӣ муаррифӣ намуд. Ин ҳалли технологӣ дар ҳамкорӣ бо Lifet таҳия шудааст.
Корбар метавонад бо истифода аз смартфон акси гурба ё саги худро бигирад. Пас аз он, зеҳни сунъӣ тасвирро таҳлил карда, нишонаҳои эҳтимолии мушкилоти саломатиро муайян мекунад. Аз ҷумла, Samsung имкони ошкор кардани баъзе бемориҳои дандон, парда гирифтани чашм ва ҷойивазшавии устухони зону (пателла)-ро зикр кардааст.
Ин имконият як қисми консепсияи Connected Care мебошад, ки Samsung барои муттаҳид кардани смартфонҳо, дастгоҳҳои пӯшидашаванда (wearables) ва хизматрасониҳои тиббӣ пеш мебарад.
Ширкат таъкид мекунад, ки чунин таҳлил ҷойгузини машварати байторӣ нест ва танҳо барои ошкорсозии барвақтии нишонаҳои эҳтимолии мушкилоти саломатӣ пешбинӣ шудааст.
