Ин Юйчжэн як зани деҳотӣ аз шимоли Чин аст, ки барои пешгирӣ аз биёбоншавӣ ва мубориза бо тағйирёбии ҷаҳонии иқлим беш аз 4 ҳазору 700 сад ҳектор (га) заминро сарсабз кард. Ӯ беш аз 40 сол аст, ки ба ин кор машғул аст.
Соли 1999 расонаҳои марказии Чин дар бораи Ин Юйчжэн гузориш пахш карданд, ки ҳаёти худро ба сарсабз гардондани биёбон бахшида, солҳои зиёд ба шинондани дарахтон машғул аст.
Гузориш ба Роналд Салковски, муаллими забони англисӣ аз Амрико сахт асар гузошт. Ӯ ҳангоми омӯзгорӣ дар қисмати марказии Чин 5 000 доллар ҷамъ оварда ба ин зан дод.
«Ман қаблан ҳеҷ гоҳ ин қадар пули зиёдро надида будам ва аз дидани он сахт дар ҳайрат мондам.», — ба ёд меорад Ин Юйчжэн.
Ин Юйчжэн тамоми маблағро барои харидани ниҳолҳо сарф карда, бо ин пул дар биёбон беш аз 50 ҳазор дарахт шинонд. Дар ҷойе, ки замоне регзор буд, акнун ҷангали сабзу хуррам қомат афрохтааст.
Пас аз тақрибан се даҳсола Ин Юйчжэн ва Саколски бори дигар бо ҳам вохӯрданд. Зеро, зимни муроҷиати видеоӣ Ин Юйчжэн Саколскиро самимона ба Чин даъват кард.
«Бо маблағе, ки шумо он вақт хайр карда будед, барои шумо як ҷангали том шинондам. Кай барои дидани он меоед?
Ман хеле мехоҳам бо шумо вохӯрам. Ман дар биёбон шуморо интизор мешавам»,- гуфт дар муроҷиаташ ин зан.
Моҳи августи ҳамин сол Саколски ба Чин омад то ин ҷангалро бубинад.
Пас аз вохӯрӣ онҳо дар назди дарахте, ки 27 сол қабл бо ҳам шинонда буданд, дубора акс гирифтанд.
Дар умум, дар41 соли сарсабзсозӣ бо дастгирии давлат ва созмонҳои гуногун аз ҷониби бону Юйчжэн беш аз 4 ҳазору ҳафтсад гектор замин беш аз 8 миллион дарахт шинондааст.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
