Кормандони бахши Google DeepMind дар Британияи Кабир аз таъсиси иттифоқи касаба ҷонибдорӣ карданд.
Бо ин роҳ, кормандон мехоҳанд пешниҳоди технологияҳои зеҳни сунъии озмоишгоҳҳоро ба неруҳои мусаллаҳи Иёлоти Муттаҳида ва Исроил маҳдуд созанд.
Дар номае, ки ба мудири иҷроияи Google дар Британия ва Ирландия Дебби Вайнштейн ирсол шудааст, кормандон хоҳиш карданд, ки иттиҳодияҳои Communication Workers Union ва Unite the Union ҳамчун намояндагони муштараки кормандони DeepMind эътироф шаванд, менависад Wired.
Қарор дар бораи таъсиси иттифоқи касаба ба он равона шудааст, ки Google-ро водор созад меъёрҳои ахлоқии худро вобаста ба зеҳни сунъӣ ва роҳҳои тиҷоратикунонии ин технология риоя кунад, аз ҷумла масъалаҳои марбут ба ҳадафи истифодаи маҳсулот ва интихоби шарикон.
Пештар суди федералӣ дар Иёлоти Муттаҳида созишномаи пешакиро оид ба даъвои дастаҷамъӣ алайҳи Google, ки ба ҷамъоварии маълумоти кӯдакон марбут буд, тасдиқ кард. Ширкат барои ҳал кардани даъвоҳо 8,25 миллион доллар пардохт мекунад.
