Рӯзи 20 апрел Иллон Маск дар доираи тафтишот нисбат ба шабакаи иҷтимоии X (Twitter) ва абзори зеҳни сунъии он Grok ба прокуратураи Порис даъват шуда буд, вале ба додгоҳ ҳозир нашуд. Ширкати ӯро ба дасткории алгоритмӣ бо ҳадафи дахолат ба баҳсҳои сиёсӣ дар Фаронса гумонбар медонанд.
Прокуратураи Порис “ҳозир нашудани шахсони Маск”-ро қайд кард, вале таъкид намуд, ки “ҳузур доштан ё надоштани онҳо барои идомаи тафтишот монеа нест”.
Линда Яккарино, директори генералии собиқи X низ дар доираи ин парванда даъват шудааст.
Прокуратура гуфтааст, “мақсади чунин шунидани ихтиёрӣ бо иштироки роҳбарони сатҳи баланд — фароҳам овардани имконият барои баён кардани мавқеи онҳо оид ба далелҳо ва, дар ҳолати зарурӣ, тадбирҳое мебошад, ки барои риояи қонунгузорӣ пешбинӣ мекунанд”. Дар ин марҳила тафтишот ҳамчун як равиши созанда арзёбӣ мешавад, ки ҳадафи ниҳоии он таъмини риояи қонунгузории Фаронса аз ҷониби платформаи X мебошад.
Дар аввали моҳи феврал дар идораҳои X дар Порис кофтуков гузаронида шуда буд. Ширкат, ки ҳама гуна қонуншиканиро рад мекунад, ин амалиётро “сиёсишуда” ва “ғайриқонунии судӣ” номид.
Прокурори Париж Лора Бекко инчунин хабар дод, ки кормандони X аз 20 то 24 апрел ҳамчун шоҳид даъват шудаанд.
Тафттишот пас аз муроҷиати як узви парламент ва роҳбари як ниҳоди давлатии амнияти киберӣ оғоз шудааст. Он ба эҳтимоли дасткорӣ кардани алгоритми X барои таъсиррасонӣ ба баҳсҳои ҷамъиятӣ дар Фаронса ва истифодаи ғайриқонунии маълумоти шахсӣ барои рекламаи ҳадафнок марбут аст.
Акс аз манбаъҳои боз
