Дар Муассисаи давлатии “Маркази миллии илмии пайвандсозии узв ва бофтаҳои инсон”-и Вазорати тандурустӣ ва ҳифзи иҷтимоии аҳолӣ бори дуюм яке аз ҷарроҳиҳои мураккабтарин — пайвандсозии якбора ду узв- ғадуди зери меъда ва гурда аз донори зинда ба бемор бомуваффақият гузаронида шудааст. Пас аз 3 рӯзи амалиёти ҷарроҳӣ вазъи саломатии ҳам бемор ва ҳам донор хуб арзёбӣ мегардад.
Бемор Олимҷон Қурбонов, сокини 29 солаи ноҳияи Ҷалолиддин Балхии вилояти Хатлон буда тули чанд сол аз бемории диабети қанди навъи 1 азият мекашидааст ва ҳамзамон норасоии кори гурда низ ӯро ранҷ медодааст. Донор ҳамсари бемор Назарова Садафмоҳ, сокини ҳамин ноҳия мебошад ихтиёран барои донор шудан ба шавҳараш розӣ шудааст то ӯ шифо ёфта, якҷо онҳо 3 фарзандашонро ба воя расонанд.
