Тақрибан 50 намояндаи бахши коркарди маҳсулоти кишоварзӣ аз Хатлон ва Суғд дар ду давраи омӯзишӣ доир ба содагардонӣ ва рақамисозии расмиёти тиҷорати хориҷӣ ҷамъ омада, донишҳое меандӯзанд, ки мустақиман фаъолияти онҳоро дар бозорҳои байналмилалӣ беҳтар мекунад. Давраҳои омӯзишӣ 15-уми апрели соли 2026 дар Бохтар ва 22-юми апрели соли 2026 дар Исфара баргузор мегарданд ва ҷиҳати баланд бардоштани дониш, беҳтар намудани фаъолият ва роҳ ёфтан ба бозорҳои хориҷӣ равона шудаанд.
Давраҳои омӯзиширо мушовири миллии Маркази тиҷорати байналмилалӣ (МТБ) Рустам Абдусаломов дар чорчӯбаи лоиҳаи МТБ “Пешбурди тиҷорат дар Шарқ”, ки аз ҷониби ҳукумати Швейтсария маблағгузорӣ мешавад, баргузор мекунад. Семинарҳо иштирокдоронро бо абзорҳо ва низомҳое шинос хоҳанд кард, ки муҳити тиҷоратии Тоҷикистонро имрӯз муайян месозанд. Барнома масъалаҳои вобаста ба қонунгузорӣ ва барасмиятдарории гумрукии маҳсулоти содиротӣ, низоми содироткунандагони бақайдгирифташудаи REX, Портали савдои Тоҷикистон, декларатсияи электронии молҳо ва нақлиёт, низоми Равзанаи ягонаи барасмиятдарории амалиёти содиротию воридотӣ ва транзитӣ, инчунин нақлиёти байналмилалии автомобилӣ ва логистикаро фаро мегирад.
Пас аз анҷоми семинарҳо иштирокдорон аз абзорҳое, ки ба коҳиш додани таъхир ҷиҳати барасмиядарории гумрукӣ, кам кардани хароҷоти иловагӣ ва пайдо кардани дастрасӣ ба бозорҳои бузургтари минтақавӣ ва байналмилалӣ мусоидат мекунанд, дарки равшан хоҳанд дошт. Барои содироткунандагони хушкмева ва корхонаҳои коркарди маҳсулоти кишоварзӣ ин донишҳо мустақиман бо баланд бардоштани рақобатпазирӣ ва афзоиши даромад анҷом меёбад.
Ҷаноби Абдусаломов қайд менамояд, ки «Баргузории чунин семинарҳо соҳибкорони маҳаллиро бо абзорҳои рақамӣ ва низоми соддагардонии расмиёти савдо ошно месозад. Дар натиҷа, ширкатҳо метавонанд бо гузаштан ба равандҳои зудтар ва самараноктар вақт ва хароҷоти молиявиро ба таври назаррас коҳиш диҳанд. Вақт ва соњикорирро самараноктар истифода намояд, барои рушди умумии иқтисодӣ мусоидат менамояд»
Ин семинарҳо танҳо як намунаи фаъолияти МТБ дар самти ёрӣ ба соҳибкорони маҳаллӣ ҷиҳати рушди онҳо тавассути баланд бардоштани дониш ва малакаҳои содиротӣ мебошанд. Донишҳо ва абзорҳои мувофиқ ба соҳибкорони маҳаллӣ имкон медиҳанд, то дар бозори ҷаҳонӣ бомуваффақият рақобат кунанд ва рушд намоянд.
Дар бораи лоиҳа ва ёриҳои Швейтсария
Лоиҳаи “Пешбурди тиҷорат дар Шарқ: Кишварҳои
