Тоҷикистон дар Чемпионати Осиё оид ба ҷудо дар раддабандии медалҳои мусобиқаи байналмилалӣ мақоми дуюмро касб кард.Чемпионати Осиё дар шаҳри Ордоси Чин баргузор шуд.
Тибқи раддабандии ниҳоии медалҳо, мунтахаби Тоҷикистон бо ба даст овардани 2 медали тилло, 2 нуқра ва 1 биринҷӣ дар ҷойи дуюм қарор гирифт.
Мақоми аввалро тими Муғулистон бо 3 медали тилло, 1 нуқра ва 1 биринҷӣ ишғол намуд. Зинаи сеюм насиби Ҷумҳурии Халқии Демократии Корея гардид, ки 2 тилло ва 1 нуқра ба даст овард.
Қазоқистон бо 1 тилло ва 2 биринҷӣ дар мақоми чорум қарор гирифта, Баҳрайн бо 1 тилло ва 1 биринҷӣ панҷгонаи беҳтаринро ҷамъбаст намуд.
Паҳлавони ҷавони тоҷик Муҳиддин Асадуллоев дар рӯзи дуюми Чемпионати Осиё оид ба ҷудо дар шаҳри Ордоси Ҷумҳурии Мардумии Чин медали тиллоро дар вазни то 73 кг соҳиб шуд. Паҳлавони тоҷик Сомон Маҳмадбеков дар вазни то 81 кг медали нуқраро ба даст овард. Мадина Қурбонзода дар вазни то 52 кг медали биринҷиро соҳиб шуд.
