Дар доираи форум саммити ректорон, конфронсҳои байналмилалии илмию амалӣ дар самтҳои гуногун, форуми экологии ҷавонон, форуми соҳибкорӣ, намоишгоҳҳои лоиҳаҳои илмӣ ва инноватсионӣ, ташаббусҳои стартапӣ, олимпиадаю озмунҳо, чорабиниҳои фарҳангӣ-экологӣ, мусобиқаҳои сайёҳии варзишӣ, инчунин чорабиниҳои дигари канорӣ ба нақша гирифта шудаанд.
Дар форум роҳбарон ва намояндагони муассисаҳои илмӣ ва таълимӣ, созмонҳои байналмилалӣ ва минтақавӣ, ҳайати дипломатӣ, марказҳои таҳқиқотӣ ва таҳлилӣ, сохторҳои соҳибкорӣ, васоити ахбори омма, ҷомеаи коршиносон, ташкилотҳои ҷамъиятӣ, инчунин гурӯҳҳои ташаббускори ҷавонон даъват гардидаанд.
Ҳадафи форум таҳкими ҳамкории байналмилалии академӣ дар соҳаи рушди устувор, пешбурди навовариҳо, технологияҳои рақамӣ ва қарорҳои «ҳушманд» барои иқтисоди устувор, дастгирии ташаббусҳои ҷавонон, стартапҳо ва лоиҳаҳои илмӣ дар соҳаи экология, иқлим, захираҳои об, энергетика ва шаҳрсозии сабз, инчунин намоиши таҷрибаҳои беҳтарини таълимӣ, илмӣ ва соҳибкорӣ, пешбурд ва дастгирии институтсионалии ташаббусҳои глобалӣ ва байналмилалии Ҷумҳурии Тоҷикистон дар соҳаҳои рушди устувор, рақамикунонӣ ва истифодаи масъули зеҳни сунъӣ унвон мешавад.
Акс аз саҳифаи фейсбукии Донишгоҳи байналмилалии сайёҳӣ ва соҳибкории Тоҷикистон
