Таҳқир, дашном, масхара, табъиз, таҳдиди расонидани зарари ҷисмонӣ, даст расондан, таҷовузи ҷинсӣ ё дигар шаклҳои ҳамлаи ҷинсиву ҷисмонӣ ҳаррасмент аст…
Гоҳо шоҳиди боздошти афроде мегардем, ки бо рафтору амали нораво ва суханони қабеҳ шаъну шарафи духтаронро паст задаанд. Баъзе маврид атрофиён чунин ҳолатҳоро мушоҳида мекунанд, вале бетарафӣ ихтиёр менамоянд.
Дар қонунгузории Ҷумҳурии Тоҷикистон мафҳуми «ҳарассмент» пешбинӣ нашудааст ва кирдорҳо тибқи Кодекси ҳуқуқвайроникунии маъмурии Ҷумҳурии Тоҷикистон (Моддаи 460. Майдаавбошӣ) банду баст мешаванд.
«Агар ин ҳолатҳо рӯй диҳанд, мақомоти ҳифзи ҳуқуқ нисбат ба шахси содиркардаи ин кирдор моддаи 460-и Кодекси ҳуқуқвайроникунии маъмурии Ҷумҳурии Тоҷикистонро татбиқ мекунанд ва ҳамчун ҷазо ҷарима ё ҳабси маъмурӣ таъин мешавад.
Матлаби рассом ва аниматори маъруф Бахтиёр Қаххоров низ чунин ҳолатҳоро бозгӯ мекунад. Дар ин филми тасвирӣ навраси маъюбиятдошта кореро анҷом медиҳад, ки ба андозаи тавонаш ҳаст. Оё Шумо низ шоҳиди чунин ҳолат мешудед, чӣ кореро анҷом медодед?
Дар сурати рӯх додани ҳарассмент, аз ин машваратҳо истифода кунед:
— Агар нисбат ба шумо Ҳарассмент сурат бигирад, ҳолатро сабт кунед.
— Ба шахсони наздик ва боэътимоди худ дар бораи ҳолати худ хабар диҳед. Онҳо метавонанд ба шумо кумаки рӯҳӣ намуда, ба шумо дар бартараф кардани ин ҳолат кумак расонанд.
— Агар шумо ба ҳаррасменти ҷинсӣ дучор шудаед, аз дархости кумак наҳаросед.
— Аз ҳуқуқҳои хеш истифода ва барои ба ҷавобгарӣ кашидани шахсе, ки ба амният ва шаъну шарафи шумо хатар эҷод мекунад, ба мақомот муроҷиат намоед!
