The Jerusalem Post Sundayguardianlive ва Hindustantimes.com ҳар кадоме дар алоҳидагӣ навиштаанд, ки сарвазири Исроил Бинёмин Нетаняҳу зинда аст.
Чанд аксе дар шабакаҳои иҷтимоӣ васеъ паҳн шудааст, ки ба Бинёмин Нетаняҳу монанд буда, гӯё захмӣ дар зери харобаҳост ва сарбозон кӯшиш доранд ба ӯ кумак расонанд. Бисёр корбарони шабакаҳои иҷтимоӣ иддао мекунанд, ки ин «охирин акси» сарвазири Исроил пас аз ҳамлаи эҳтимолӣ мебошад.
Оҷонсии хабарии Тасними Эрон аввали ҳафта гузоришеро нашр кард, ки Бенямин Нетаняҳу эҳтимол захмӣ ва кушта шудааст. Дар ин матлаб, набудани видеоҳои нави Нетаняҳу, гузоришҳо дар расонаҳои ибрӣ дар бораи тақвияти амният дар атрофи хонаи ӯ, ба таъхир андохтани сафари гузоришшудаи Кушнер ва фиристодаи махсуси ИМА Стив Виткофф ва матни фаронсавии суҳбати телефони Эммануэл Макрон, раисҷумҳури Фаронса ва Нетаняҳу, ки санаи сӯҳбат мушаххас набудааст, ҳамчун далел зикр шудаанд.
Инчунин наворе пайдо шуд, ки дар он худи Нетаняҳу хабарҳоро дар бораи маргаш рад мекунад, аммо дар қисмати охири ин навори кутоҳ вақте дасташ ҳаракат мекунанд, «ангушти шашум» ар панҷаи ӯ дида мешавад. Бинобар ин, корбарон хулоса мекунанд, ки видео қалбакӣ ё бо зеҳни сунъӣ сохта шудааст.
Аммо ягон гузориши боэътимоди хабарӣ ё изҳороти расмӣ вуҷуд надорад, ки тасдиқ кунад Нетаняҳу дар ҷараёни низоъҳо ҷорӣ захмӣ шуда ё аз зери харобаҳо наҷот дода шудааст.
The point number 7 wasn’t AI. The fingers was mistakenly added 😀😀🤣
pic.twitter.com/2Sc1kBEwWr— Sumon Kais (@sumonkais) March 14, 2026
Бархеи дигар бо чанд далел фавти ӯро ҳақиқат медонанд:
- Нетаняҳу тамоми ҳафта дар назди мардум ҳозир нашуд
- Нетаняҳу аз ҷаласаи ахири Шӯрои низомӣ ширкат надошт
- Нетаняҳу вохӯрӣ бо сафири ИМА-ро дар лаҳзаи охир бекор кард
- Паёми видеоии ӯ бо 6 ангушт ва дандонҳои гумшуда нашр шуд
- Писари Нетаняҳу дар рӯзҳои ахир аз зинда будани падараш твит накард.
UNUSUAL:
Benjamin Netanyahu is absent for the first time from a meeting of the military cabinet (regarding Iran) — an extremely rare event. pic.twitter.com/gD4BVfyAdW
— China pulse 🇨🇳 (@Eng_china5) March 14, 2026
Дар вазъиятҳои ҳассос ва низоъҳо паҳн шудани иттилооти бардурӯғ хеле зуд сурат мегирад. Аз ин рӯ, муҳим аст, ки ҳар як корбар қабл аз паҳн кардани хабар тафаккури интиқодӣ дошта бошад. Пеш аз ҳама, манбаи хабарро санҷед, оё маълумот дар расонаи боэътимод нашр шудааст ё танҳо як саҳифаи номаълум дар шабакаҳои иҷтимоӣ.
Истифодаи тафаккури интиқодӣ, санҷиши манбаъҳо ва худдорӣ аз паҳн кардани хабарҳои тасдиқнашуда метавонад ба коҳиши иттилооти бардурӯғ ва нигоҳ доштани фазои солими иттилоотӣ мусоидат кунад.
