Равиши нави кишварҳои узви Иттиҳоди Аврупо дар мубориза бо хабарҳои дурӯғ аз ҷониби Русия ин санҷиши далелҳо (fact-checking) ва боло бурдани саводи расонаии аҳолӣ унвон мешавад. Дар ин бора dw бо истинод ба рӯзномаи фаронсавии Le Monde хабар медиҳад.
Самти нави сиёсати Иттиҳоди Аврупо асоси фаъолияти Маркази аврупоии устувории демократӣ гардид, ки дар охири моҳи феврал ифтитоҳ шуда, ҳамоҳангсозии вокуниши кишварҳои узви Иттиҳоди Аврупоро ба ҳамлаҳои иттилоотӣ аз ҷониби Русия ва дигар режимиҳои худкома ба уҳда мегирад.
Ба унвони намуна Финляндия интихоб шудааст, ки дар макотиби ин кишвар саводи расонаӣ омӯзонда мешавад. Ин кишвар, ба навиштаи нашрия, сатҳи баландтарини эътимод ба ВАО ва ниҳодҳои давлатӣ дар Аврупоро дорад.
Тибқи гузориши Комиссияи Аврупо дар соли 2025, осебпазиртарин кишвари Иттиҳоди Аврупо аз нигоҳи таъсири иттилоотии Русия Фаронса будааст.
Ба навиштаи Le Monde, Русия барои таблиғот дар хориҷ солона тақрибан 1,3 миллиард евро харҷ мекунад. Иттиҳоди Аврупо бошад соли 2025 барои боло бурдани саводи расонаӣ дар баробари хабарҳои дурӯғ ҳамагӣ 5 миллион евро ҷудо кардааст.
