Роскомнадзор метавонад то охири соли 2026 WhatsApp-ро дар қаламрави Русия комилан масдуд кунад. Дар ин бора Андрей Свинсов, муовини раиси кумитаи Думаи давлатӣ оид ба сиёсати иттилоотӣ дар суҳбат бо ТАСС изҳор доштааст.
«Ман фикр мекунам, ки воқеан то охири сол Роскомнадзор маҷмӯи чораҳоеро барои масдудкунии комили WhatsApp қабул хоҳад кард. Чунин чораҳои сахт, бахусус қабл аз интихобот комилан асоснок мебошанд.», — гуфтааст Свинсов.
Дар миёнаҳои моҳи августи соли 2025 Роскомнадзор аз маҳдуд шудани зангҳо дар WhatsApp ва Telegram хабар дод. Моҳи октябри соли 2025 ин ниҳод қисман маҳдудият ҷорӣ кард, то «бо ҷинояткорон муқобила намояд» ва моҳи декабр таҳдид кард, ки агар WhatsApp иҷрои талаботи қонунгузории Русияро идома надиҳад, он пурра масдуд хоҳад шуд.
