Рӯзноманигор Юрий Дуд барои хиёнат ба давлат мавриди тафтиш қарор мегирад. Дар ин бора ТАСС аз қавли манбаъҳояш хабар додааст.
Додситонии Маскав талаб дорад, ки нисбат ба Дуд парванда боз шавад. “Амалиёти Юрий Дуд метавонанд нишонаҳои ҷинояти пешбинишуда дар моддаи 275-и Кодекси ҷиноятии Федератсияи Русия (хиёнат ба давлат)-ро дошта бошанд”, — гуфтааст манбаъ ба ин оҷонсӣ.
Нисбат ба Юрий Дуд барои иҷро накардани ӯҳдадориҳои муқарраркардаи қонунгузории Федератсияи Русия оид ба пешниҳоди ҳуҷҷатҳо ба мақоми ваколатдор барои ворид шудан ба феҳристи агентҳои хориҷӣ дар ғайбаш ҳукми боздошташ содир шуда буд. Ҳамаи ин бо назардошти он, ки ӯ ҷамъоварии мақсадноки маълумот дар соҳаи фаъолияти ҳарбӣ ва ҳарбӣ-техникии Федератсияи Русияро гумонбар мешавад. Барои ин амал қисми 3-и моддаи 330.1 Кодекси ҷиноии Федератсияи Русия то 5 сол зиндонро пешбинӣ мекунад, моддаи “хиёнат ба давлат” бошад то ҳабси якумрӣ.
Вазорати адлияи Федератсияи Русия Дудро 15 апрели соли 2022 ҳамчун“агенти хориҷӣ” эътироф карда буд.
