GTA V ва нусхаи онлайнии он расман дар Арабистони Саудӣ ва Аморати Муттаҳидаи Араб ба фурӯш бароварда шуданд. Ин имконият баъд аз он ба вуҷуд омад, ки рӯзи 17 июл ниҳодҳои танзимгарии маҳаллӣ ба ин лоиҳа иҷозати расмӣ доданд. Дар ин бора нашрияи Video Games Chronicle хабар додааст.
Ин бозӣ аввалин қисми франшизаи машҳури GTA мебошад, ки расман дар бозорҳои ин ду кишвар иҷозати фурӯш гирифтааст. Ба туфайли рейтинг ё маҳдудияти синнусолии «21+», бозӣ бидуни тағйироти муҳими сензурӣ дар муҳтаво ба фурӯш баромад.
Дар гузашта, танзимгарони Арабистони Саудӣ ва АМА сиёсати хеле сахтро риоя мекарданд ва ба фурӯши бозиҳое, ки дорои зӯроварӣ, муҳтавои ошкоро ё мавзӯъҳои баҳсбарангез буданд, иҷоза намедоданд. Аммо аз соли 2016, Арабистони Саудӣ ба роҳандозии системаи рейтингии худ шурӯъ намуд, ки ин имкон дод бисёре аз бозиҳои ҷаҳонӣ, ки қаблан манъ буданд, аз ҷумла God of War ва Red Dead Redemption 2, ба бозор роҳ ёбанд.
