Тибқи иттилои Кумитаи тафтишотии Русия Роман Старовойт, ки 7 июл аз вазифаи вазири нақлиёт барканор гардид, даргузаштааст. Ба гуфтаи мақомоти тафтишотӣ, далели асосӣ — худкушист.
Ҷасади ӯ бо захми тир дар дохили мошини шахсиаш Tesla Model X — дар шаҳри Одинтсово рӯзи имрӯз ёфт шудааст.
Пеш аз марг, Президенти Русия Владимир Путин фармони барканории Старовойтро аз мансаб ба имзо расонд. Сабаб дар санад зикр нашудааст. Субҳи он рӯз, сухангӯи Кремл Дмитрий Песков таъкид карда буд, ки дар фармон ишора ба «аз даст рафтани боварӣ» нест.
Бо вуҷуди ин, Старовойтро вафтида пайдо карданд. Бархе манбаъҳои хабарӣ мегӯянд, ӯ ҳанӯз шоми шанбе ҷон дода буд ва ҷасадаш шоми душанбе ба сардхона интиқол дода шудааст.
Тибқи иттилои расонаҳо, тафтишоти ҷиноятӣ алайҳи Старовойт дар робита ба барномаи сохтмони иншооти фортификатсионӣ дар вилояти Курск оғоз шуда буд. Гуфта мешавад, ки Алексей Смирнов, муовини собиқи ӯ ва иҷрокунандаи вазифаи губернатор, ки моҳи апрели 2025 боздошт шуд, мумкин аст алайҳи Старовойт нишондод дода бошад.
Смирнов ба дарёфт ва тасарруфи ғайриқонунии 1 миллиард рубл айбдор мешавад, маблағҳое, ки барои бунёди нуқтаҳои оташфишон ва хандақҳо дар марз бо Украина ҷудо шуда буданд.
