Дар Эрон эҳтимол дорад, ки нозирони ИМА ба объектҳои ҳастаӣ иҷозат дода шаванд.
Агар Теҳрон ва Вашингтон дар барномаи ҳастаии Эрон ба созиш расанд, Эрон метавонад имкон диҳад, ки нозирони амрикоӣ, ки дар МАГАТЭ кор мекунанд, ба иншооти ҳастаии кишвар ворид шаванд, гуфтааст роҳбари Созмони энерҷии атомии Эрон Муҳаммад Эслами.
«Одатан муфаттишон аз кишварҳои душман иҷозат дода намешаванд, аммо агар мо созишномаи ҳастаӣ ба даст орем, метавонем ба муфаттишони амрикоӣ, ки дар МАГАТЭ фаъолият доранд, иҷозат диҳем, ки иншоотҳои ҳастаии моро боздид кунанд.», — гуфтааст Эсламӣ.
Вай бори дигар таъкид кардааст, ки Эрон танҳо энергияи ҳастаиро барои мақсадҳои осоишта истифода мебарад ва фаъолияти кишвар таҳти назорати МАГАТЭ қарор дорад. Раиси Созмони энержии атомии Эрон зикр кард, ки мавқеи Эрон дар бораи идомаи тавлиди ураниум «тамоман қонунӣ буда ва бар асоси ҳуқуқҳои мо асос ёфтааст».
Даври панҷуми музокирот байни ИМА ва Эрон рӯзи ҷумъа, 23 май, дар Рим баргузор шуд. Ба иттилои манбаъҳои The Wall Street Journal, музокирот бе расидан ба созиш хотима ёфт, аммо тарафҳо розӣ шуданд, ки музокиротро идома диҳанд.
Акс аз шабакаи интернет
