Губернатори иёлати Техаси Амрико Грег Эбботт ба зудӣ қонунеро имзо мекунад, ки ба шахсон ва ширкатҳо аз як қатор «кишварҳои душман», аз ҷумла Русия ва Чин, харидани амволро дар қаламрави иёлат манъ мекунад. Дар ин бора худи сиёсатмадор дар шабакаи иҷтимоии X хабар дод.
Эбботт навишт: «Ман дар ояндаи наздик қонуни сахттаринро дар ИМА имзо мекунам, ки ба шаҳрвандони давлатҳои хориҷии душман, ба монанди Чин, Русия, Эрон ва Кореяи Шимолӣ, харидани заминё соҳиби замин шуданро дар Техас манъ мекунад».
Дар айни замон, лоиҳаи қонун пеш аз фиристодан ба имзои губернатор интизори хониши ниҳоӣ дар Қонунгузории иёлати Техас мебошад.
Палатаи Намояндагони Техас рӯзи панҷшанбе, 8 май қариб шаш соат дар бораи лоиҳаи қонуне баҳс кард, ки ҳадафи он пешгирии хариди замин аз ҷониби шахсони алоҳида ва созмонҳо аз кишварҳои душман дар иёлот мебошад, ки баҳсҳои зиёде ба бор овардааст.
