Мақсад аз пешниҳоди кумаҳои унвонии иҷтимоӣ дигар кардани вазъи душвори зиндагӣ ва дастгирии оилаҳои камбизоат мебошад.
Бинобар ин, барои дарёфти ин кумакҳо набояд ба касе маблағе дод ва ё ваъдаи пешниҳоди инъом кард.
Шаффофият дар кори ниҳодҳое, ки барои расонидани кумакҳои унвонии иҷтимоӣ масъул ҳастанд, боиси паст кардани сатҳи камбизоатӣ дар кишвар хоҳат гашт.
Тибқи “Тартиби таъин намудани кумакпулии унвонии иҷтимоӣ”, ки 30 августи соли 2024 тасдиқ шудааст, ба шаҳрвандоне, ки барои гирифтани кумакпулии унвонии иҷтимоӣ муроҷиат мекунанд, аз ҷониби шахсони масъул ҳуҷҷатҳои зарурӣ, аз ҷумла, бланкҳои “Ариза дар бораи таъин намудани кумакпулии унвонии иҷтимоӣ”, “Маълумотнома дар бораи ҳайати оила” ва “Маълумот дар бораи даромад ва молу мулки ҳамаи аъзои оила” ба таври ройгон дода мешаванд.
Ҳангоми пешниҳоди муроҷиати электронӣ низ шахсони масъул кумаки ройгон бояд расонанд.
Аз 1 январи соли 2025 як нишондиҳанда барои ҳисобҳо 75 сомонӣ муқаррар гардид.
Имсол андозаи кумакпулии унвонии иҷтимоӣ барои як оила ва шахси камбизоат барои як сол ба андозаи 11 нишондиҳанда барои ҳисобҳо дода мешавад. Иловатан 2 нишондиҳанда барои ҳисобҳо барои ҳар як кӯдаки то 16-сола дода мешавад. Агар ин кӯдакон дар муассисаҳои хизматрасонии иҷтимоӣ ё мактаб-интернат набошанд.
Барои як оилаи камбизоат, ки дар ҳайати худ ду ва зиёда шахси маъюб дорад, боз 2 нишондиҳанда барои ҳисобҳо дода мешавад. Инчунин 2 нишондиҳанда барои ҳисобҳо барои пиронсолони аз 80-сола болои аъзои оилаи камбизоат, ки нафақаи иҷтимоӣ мегиранд, дода мешавад.
Маълумоти бештар дар эксплейнер:
