BYD дар бораи афзоиши назарраси даромад дар семоҳаи аввали соли 2025 хабар дод. Даромади софи ширкат нисбат ба соли гузашта 100,4% афзудааст. Ин дарҳолест, ки даромади рақиби он — Tesla дар семоҳаи I нисбат ба соли гузашта 20% коҳиш ёфтааст.
BYD дар бозори Чин пешсафиро нигоҳ медорад ва ҳиссаи он дар семоҳаи аввал аз 12,1% то 13,6% афзоиш ёфтааст. Илова бар ин, BYD платформаи навро барои пур кардани барқи ултратези мошинҳои барқӣ муаррифӣ кард.
Дар заминаи муваффақияти дохилӣ, BYD ният дорад, ки содиротро то 800 000 мошин дар соли 2025 афзоиш диҳад, айни ҳол 90% фурӯш ҳоло ба Чин рост меояд.
Аммо даромади Tesla аз фурӯши мошинҳо дар семоҳаи I нисбат ба соли гузашта 20% коҳиш ёфтааст. Tesla ҳамчунин бо мушкилот дар занҷири таъминот ва хароҷоти марбут ба ҷанги тиҷоратӣ байни ИМА ва Чин рӯ ба рӯ шудааст.
Дар се моҳи аввали соли ҷорӣ даромади Tesla аз фурӯши мошинҳо нисбат ба соли гузашта 20% коҳиш ёфта, 14 миллиард долларро ташкил дод ва даромад ба як саҳмия 40% коҳиш ёфта, ба 0,27 доллар расидааст. Даромади умумӣ нисбат ба соли гузашта 9% коҳиш ёфта, 19,3 миллиард доллар баробар гардидааст.
