Иттиҳоди Аврупо воридоти консолҳои бозии PlayStation ва Xbox-ро ба Русияро манъ мекунад то монеи истифодаи онҳо аз ҷониби нерӯҳои мусаллаҳи Русия барои идораи дронҳо дар қаламрави Украина шавад. Намояндаи олии Иттиҳоди Аврупо оид ба корҳои хориҷӣ Кая Каллас изҳор доштааст, ки чунин маҳсулот ба мисли PlayStation аз Sony ва Xbox аз Microsoft ба бастаи нави таҳримҳо дар сеюмин соли ҷанг равона мешавад. Дар ин бора нашрияи Financial Times хабар медиҳад.
«Мо ҳама намуди молҳоеро, ки барои Русия дар ҷанг кумак мекунанд, бодиққат баррасӣ мекунем, то онҳоро ба рӯйхати таҳримҳо дохил кунем. Ҳатто консолҳои бозӣ, зеро, барои мо маълум аст, ки онҳо барои идораи дронҳо истифода мешаванд.», — гуфтааст Каллас.
Истеҳсолкунандаи бузургтарини консолҳои бозӣ — ширкати амрикоии Microsoft ва ширкатҳои ҷопонии Nintendo ва Sony фурӯшро дар Русия аввали моҳи марти соли 2022 қатъ карда буданд. Маҳдудияти Иттиҳоди Аврупо барои тоҷирон дар Иттиҳоди Аврупо, ки консолҳоро ба Русия мефиристанд, аз ҷумла, фурӯшандагони техникаи истифодашуда нигаронида хоҳад шуд.
