Дар шабака акси нав пайдо шуд, ки эҳтимолан тарҳи панели пушти iPhone 17 Air-ро нишон медиҳад, ки интизор меравад, дар хати iPhone 17-и имсола модели Plus-ро иваз кунад. Дар ин бора нашрияи 9to5Mac хабар медиҳад.
Дар акс панели пушти iPhone-и ояндаро нишон медиҳад, ки хусусияти асосии он блоки амудии камера мебошад, ки аз корпус берун мебарояд.
Дар тасвир як сӯрохии камера намоён аст. Эҳтимол он 48-мегапиксели хоҳад буд. Ин аз ду камераи iPhone 16 ва се камераи iPhone 16 Pro хеле фарқ мекунад. Акс бозгӯи он аст, ки флеш дар тарафи муқобили линза ҷойгир аст.
Сарфи назар аз тасвирҳои пайдошуда, бояд дар хотир дошт, ки то муаррифии расмии iPhone 17 Air боз ҳашт моҳ мондааст. Яъне, Apple метавонад тарҳи дастгоҳро то баровардани он тағйир диҳад.
Қаблан, тақдири смартфони нави iPhone 16E маълум шуда буд.
