Дар Австралия шабакаҳои иҷтимоӣ барои кӯдакон манъ карда мешаванд.
Палатаи поёнии парлумони Австралия мамнӯъияти шабакаҳои иҷтимоӣ барои кӯдакони то 16-соларо тасдиқ кард.
Ин палата манъи боз кардани аккаунт дар шабакаҳои иҷтимоӣ барои кӯдакони то 16-соларо тасвиб кард.
Пас аз тасвиби лоиҳа бо 103 раъйи тарафдор ва 13 раъйи мухолиф, лоиҳаи қонун ба Сенат меравад ва интизор меравад, ки он қабул мешавад.
Агар қонун аз ҷониби палатаи болоии парлумони Австралия қабул шавад, платформаҳои Snapchat, TikTok, Instagram Reddit ва X бояд иҷоза надиҳанд, ки нафарони зери синни 16 дар ин пойгоҳҳо саҳифа боз кунананд. Дар ғайри сурат ин пойгоҳҳо то 50 миллион доллари австралиягӣ (32 миллион доллар) ҷарима мешаванд.
Яке аз ташаббускорони қабули қонун сарвазири Австралия Энтони Албанезе буд, ки гуфт, то охири ҳафта «бечунучаро» он тасдиқ шавад.
Қаблан ҷомеашинос Полсен гуфта буд, ки нақши шабакаҳои иҷтимоӣ дар паҳншавии изтироб аз ҳад зиёд арзёбӣ мешавад.
Ин мамнӯъият аз ҷониби баъзе гурӯҳҳои ҳимояи ҳуқуқ, Афви Байналмилал ва Комиссари ҳуқуқи башари Австралия интиқод гардид, ки мегӯянд, он ба кӯдакони осебпазир зиён мерасонад.
Акс аз шабакаи интернет
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
2
+1
+1
+1
+1
+1
+1
