Мақомоти Индонезия эълон карданд, ки воридоти iPhone 16 ба кишварро барои истифода иҷоза медиҳанд, аммо фурӯши онҳоро ба таври қатъӣ манъ мекунанд. Ин тасмим дар чаҳорчӯби талошҳо барои рушди тавлидоти маҳаллӣ ва коҳиши вобастагӣ аз молҳои хориҷӣ гирифта шудааст. Дар ин бора нашрияи The Straits Times хабар додааст.
Вазорати тиҷорати Индонезия дар изҳороте таъкид кард, ки иҷозаи воридоти iPhone 16 танҳо ба истифодаи шахсӣ дахл дорад ва фаъолияти тиҷоратиро дар бар намегирад. Ин маънои онро дорад, ки шахс метавонад дастгоҳҳоро дар хориҷ харидорӣ кунад ва барои истифодаи худ ба Индонезия биёрад, аммо фурӯши онҳо дар дохили кишвар манъ аст.