Дар Фаронса муҳлати ҳабси муассиси мессенҷери Telegram Павел Дуров тамдид гардид. Ин соҳибкор то 28 август дар боздоштгоҳ мемонад.
Дуров шоми 24 август ҳангоми пойин омадан аз ҳавопаймои шахсӣ дар фурудгоҳи Ле Буржеи Фаронса боздошт шуд. Соҳибкор аз Озарбойҷон ба ин кишвар меомад.
Пулиси Фаронса ба хабаргузории Reuters гуфт, ки ин соҳибкор ба саркашӣ аз ҳамкорӣ дар масоили ҷиноятҳои киберӣ ва молиявӣ дар Telegram муттаҳам мешавад. Онҳо илова карданд, ки Дуровро шӯъбаҳои миллии ҷиноятҳои киберӣ ва қаллобӣ тафтиш мекунанд.
Додситонӣ тавзеҳ дод, ки Дуров дар содир кардани 12 ҷиноят муттаҳам мешавад. Ӯ дар робита ба гумони ҷиноятҳои сершумори киберӣ бозпурсӣ мешавад.
Дар акс Юлия Морозова. Назди сафорати Фаронса, Маскав, 25 августи соли 2024. REUTERS
