Маъруф Қаюмов, сокини ноҳияи Ҷайҳуни вилояти Хатлон имсол ҳосили сеюми дарахтони бананашро мечинад. Ду соли ахир аст, ки хонаводаашро бо ин навъи мева таъмин менамояд. Бист адад ниҳолро аз Ӯзбекистон барои таҷриба овард ва талошҳояш натиҷа доданд.
Ӯ чандон бовар надошт, ки чунин навъи мева ба иқлими минтақаи онҳо тобовар буда, ҳосил медиҳад.
Ҷайҳун аз ноҳияҳои пешсаф дар истеҳсоли лиму маҳсуб ёфта, ҳамасола аз ин ноҳия даҳҳо тон лимуи хушсифат истеҳсол ва ба хориҷ содир мегардад. Маъруф мехоҳад парвариши меваҳои тропикиро дар мамлакат бештар намояд. Ӯ на танҳо банан, балки меваи африқоии папаяро низ парвариш кардааст.
Дарахти бананро дар гармхона парвариш мекунад. Дар сардиҳои зимистон ҳарорати гармхона рӯзона 28 дараҷа ва шабона 18 дараҷа бояд бошад. Дарахти банан дар як сол 3 -4 маротиба ҳосил медиҳад. Ҳар як дарахт то 200 дона банан ба бор меорад.
«Мехоҳам анансро ҳам парвариш кунам ва маҳсулоти ватаниро зиёд карда, бозорҳои мамлакатро бо ин навъи маҳсулот таъмин намоям.»,-мегӯяд ӯ.
Маъруф қаблпн ба парвариши ниҳолони помидору қаламфур машғул буд. Деҳқонӣ ягона манбаи даромади хонаводааш аст.
Амонҷон Муҳиддинов
