Шабакаи YouTube сарфи назар аз талаботи Роскомнадзор, беш аз 60 ҳазор маводро, ки ин ниҳод ғайриқонунӣ медонад, ҳазф накарааст. Дар ин бораи ТАСС хабар медиҳад.
Ба иттилои Роскомнадзор, дар ҳоли ҳозир теъдоди маводҳои ҳазфнашуда дар видеохостинги YouTube 60,7 ҳазор аст ва ин манбаъ (YouTube) муваззаф аст, дар давоми 24 соат пас аз гирифтани дархости Роскомнадзор мундариҷаи ғайриқонуниро аз байн барад.
Роскомнадзор тавзеҳ додааст, ки ин ба даъватҳо ба бетартибиҳои оммавӣ, ифротгароӣ, инчунин иттилооти беэътимод, ки таҳдиди вайрон кардани тартиботи ҷамъиятӣ ё зарар ба ҳаёт ё саломатии шаҳрвандонро ба вуҷуд меорад, дахл дорад.