Вазорати саноат ва технологияҳои иттилоотии Чин қоидаҳои нави хариди таҷҳизот барои ниҳодҳои давлатиро нашр кард, ки дар он ба ширкатҳо тавсия дода мешавад то компютер, сервер ва дигар таҷҳизоти мавҷударо дар асоси протсессори амрикоии Intel ва AMD-ро аз истифода берун кунанд. Дар ин бора рӯзномаи «Financial Times» хабар додааст.
Дар санади вазорати Чин ҳамчунин гуфта мешавад, ки ниҳодҳои давлатӣ бояд аз истифодаи Windows ва дигар нармафзорҳои хориҷӣ даст кашанд ва ин ба нафъи истеҳсолкунандагони маҳсулоти маҳаллӣ хоҳад буд. Хариди сахтафзор, нармафзор ва таҷҳизоти нави амрикоӣ низ тавсия дода намешавад. Ҷорӣ намудани қоидаҳои нав барои беҳтар кардани амнияти инфрасохтори IT-и сохторҳои давлатӣ унвон шудааст.
Барои ҷойгузини Intel ва AMD, Вазорати саноат ва технологияҳои иттилоотии Чин ба ширкатҳо тавсия медиҳад, ки бо нармафзорҳои Huawei ва Phytium таваҷҷуҳ кунанд.