Шаш бренди хушкмева аз Тоҷикистон, бозигарони калидии бозори хушкмеваҳо дар Осиёи Марказӣ, дар намоишгоҳи мӯътабари “World Food”, ки рӯзҳои 19-22-юми сентябри соли 2023 дар шаҳри Маскав баргузор мегардад, иштирок мекунанд. Ҳайъати кишвар аз корхонаҳои шаҳри Исфара: “Меваи тилоӣ”, “Оро Исфара”, “Исфара Фуд”, Субҳи ватан”, Меваи заррин”, корхонаҳои коркарди хушкмеваи вилояти Хатлон, ки зери бренди умумии “Лаззати Хатлон” маҳсулот мефурӯшанд ва Ассотсиатсияи байналмилалии истеҳсолкунандагон ва содироткунандагони маҳсулоти кишоварзии Тоҷикистон иборатанд.
Намоишгоҳ барои корхонаҳои коркарди хушкмеваи тоҷик имкони хубе фароҳам меорад, то маҳсулот ва имкониятҳои худро муаррифӣ ва тарғиб намоянд, ҳамкориҳои эҳтимолии тиҷоратиро баррасӣ карда, бо раванд ва тамоюлоти нави бозор дар минтақа шинос шаванд.
Иштироки корхонаҳои Тоҷикистон дар намоишгоҳ дар чаҳорчӯбаи лоиҳаи Маркази тиҷорати байналмилалӣ сурат мегирад.
Аксҳо аз шабакаи интернет
