Натиҷаи имтиҳонҳои давраи сеюми бақайдгирӣ 22 сентябри соли равон эълон мегардад.
17-уми сентябри соли 2023 даври сеюми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) – қисмҳои А (имтиҳон дар заминаи таҳсилоти умумӣ) ва Б (имтиҳон дар заминаи таҳсилоти умумии асосӣ) дар соли 2023 оғоз гардид. Дар имтиҳонҳои ин давр довталабоне, ки дар давраи сеюми бақайдгирӣ иштирок карданд.
Дар давраи сеюми бақайдгирӣ барои иштирок дар ИМД-2023 ҳамагӣ 8739 нафар, аз ҷумла 6534 довталаби дорои таҳсилоти миёнаи умумӣ (синфи 11-ум), ибтидоӣ ва миёнаи касбӣ ва 2205 довталаби дорои таҳсилоти умумии асосӣ (синфи 9-ум) худро номнавис кардаанд.
Даври сеюми имтиҳонҳо барои ҳар ду қисм – А ва Б дар як рӯз – 17-уми сентябр дар 26 маркази имтиҳонӣ баргузор карда мешавад. Марказҳои имтиҳонӣ барои ин даври имтиҳонҳо дар 11 шаҳру ноҳияи ҷумҳурӣ (Исмоили Сомонӣ, Сино, Фирдавсӣ, Шоҳмансур, Роғун, Турсунзода, Хуҷанд, Бохтар, Кӯлоб, Шаҳритус ва Хоруғ) дар заминаи муассисаҳои таълимӣ, ки рӯйхати онҳо дар зер оварда шудааст, ташкил карда шудаанд. Ба рақами телефони мобилии ҳар довталаб, ки дар варақаи бақайдгирӣ нишон додааст, дар бораи макони имтиҳонсупориаш паёмак (SMS) фиристода шудааст. Агар довталаб бо сабабе ин паёмакро дарёфт накарда бошад, барои гирифтани маълумот дар бораи макони имтиҳонсупориаш тавассути телефон (рақамҳо: 224 53 68 ва 224 53 73) бо шахси масъули марказ дар тамос шавад.
Ҷавобҳои дуруст (калидҳо)-и саволу масъалаҳои тестӣи дар ин даври имтиҳонҳо истифодашуда пас аз анҷоми имтиҳонҳо дар сомонаи марказ ба нашр мерасанд. Ин ба довталаб имкон медиҳад, ки ӯ дар асоси нусхаи варақаи ҷавобҳояш, ки дар кабинети инфиродияш гузошта шудааст ва ҷавобҳои дуруст – калидҳои саволу масъалаҳои тест, ки дар сомонаи Марказ гузошта мешавад, холҳояшро аз ҳар субтести имтиҳон мустақилона ҳисоб кунад. Ҳамчунин, аз ҳамон рӯз то нашри варақаи ҷавобҳо дар кабинети инфиродияш довталаб метавонад бо истифода аз китобчаи тест, ки дар дасташ аст, холҳои бадастовардаашро мустақилона ҳисоб намояд.
Манбаъ: Маркази миллии тестӣ. Акс аз шабакаи интернет
