Дар мусобиқаи интихобии Ҷоми Осиё-2024 голи дастаи мунтахаби олимпии Тоҷикистонро Рустам Соиров ба дарвозаи Австралия ворид кард ва бо ҳамин бозӣ мусовӣ (1:1) анҷом ёфт. Аз дастаи Австралия Камерон Пеупион голро ба дарвозаи бозингарони мо ворид намуд.
Ин бозӣ шоми 21 сентябр дар Варзишгоҳи марказии ҷумҳуриявӣ бо иштироки беш аз 12 ҳазор тамошобин баргузор гардид.
Дастаи олимпии Тоҷикистон дар даври ниҳоии марҳилаи интихобии Ҷоми Осиё-2024 бо тими Австралия бозиро мусовӣ — 1:1 карда, дар гурӯҳи “I” мақоми дуюмро касб намуд.
Бояд гуфт, дастаи Тоҷикистон дар чаҳорчӯби даври дуюми марҳилаи интихобии Ҷоми Осиё-2024 дар гурӯҳи I бар тими Лаос пирӯз шуда буд.
Акнун дастаи мунтахаби олимпии Тоҷикистон (U-23) ба даври ниҳоии Ҷоми Осиё-2024, ки аз 15 апрел то 3 майи соли оянда дар Қатар баргузор мешавад, роҳ ёфт.
Акс ва навор аз саҳифаи фейсбукии Федератсияи футболи Тоҷикистон
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
