Алмаато қабули дархостҳоро аз ҷавонон барои қарзҳо хурд бо 2,5% идома медиҳад.
Соҳибкорони ҷавон ва коргарони ҷавони аз 21 то 35-сола метавонанд барои гирифтани қарзи имтиёзнок муроҷиат намоянд.
«Дар доираи ин барнома дар Қазоқистон 28,9 миллиард танга ҷудо гардидааст, ки аз он 4,8 миллиард танга барои ҷавонони шаҳри Алмаато мебошад.», — гуфтааст сармутахассиси шуъбаи қарздиҳии ин шаҳр Қанат Омаров.
Маблағи қарзҳои хурд то 5 миллион танга бо мӯҳлати то 7 сол барои чорводорӣ ва то 5 сол барои дигар соҳаҳои тиҷорат пешбинӣ шудааст.
Шарти ҳатмӣ мавҷудияти гарав мебошад. Ба сифати гарав молу мулки манқул ва ғайриманқул қабул карда мешавад. Дар сурати набудани гарав ба сифати гаравгир шахсони сеюм (падару модар, хешу табор ва ғайра)-ро ҷалб кардан мумкин аст.
Қарор дар бораи додани қарз аз ҷониби комиссияи махсуси дар назди ҳукумати шаҳр таъсисёфта қабул карда мешавад. Ба ҳайати комиссия вакилони Маҷлиси шаҳр, намояндагони сохторҳои давлатӣ, доираҳои соҳибкорӣ ва ВАО шомиланд.
Акс аз интернет
