Баҳодур Усмонов, паҳлавони тоҷик дар Чемпионати ҷаҳон оид ба бокс, ки дар Тошканд ҷараён дорад, ба нимфинал роҳ ёфт ва новобаста аз натиҷаи нимфинал ӯ соҳиби медали биринҷии Чемпионати ҷаҳон оид ба бокс мегардад.
Имрӯз муҳорибаҳои даври чорякфинали Чемпионати ҷаҳон оид ба бокс баргузор мешавад.
Асрор Воҳидов (57 кг) дар даври чаҳорякниҳоии Чемпионати ҷаҳон оид ба бокс аз муштзани қирғиз — Мунарбек Сеитбек Уулу бо қарори якдилонаи доварон бо ҳисоби 1 бар 4 шикаст хӯрда, аз идомаи рақобатҳо бенасиб монд.
Шоми имрӯз дар вазни 92кг Давлат Болтаев ба муқобили Азиз Аббос Муҳиддин аз Италия ва дар вазни 75кг Некрӯз Салимов ба муқобили Морино Фендеро аз Фаронса қувваозмоӣ мекунанд.
Аз Тоҷикистон ба чемпионат Меҳрон Шафиев, Меҳроб Ҳамидов, Меҳроҷ Зоидов дар, Асрор Воҳидов, Абубакр Муродзода, Баҳодур Усмонов, Расул Аҳадов, Довуд Маҳкамов, Некрӯз Салимов, Шаббос Негматуллоев, Парвиз Каримов, Давлат Болтаев ва Муҳаммад Аброриддинов сафарбар шуда буданд. Дар мусобиқаи мазкур 640 варзишгар аз 140 давлат номнавис шуда, сабқатҳо дар 13 категорияи вазнӣ доир мешаванд.
Ба иттилои расонаҳо, варзишкорони Русия ва Белорус дар ин сабқат бо парчаму дигар рамҳои миллияшон ҳунарнамоӣ мекунанд.
Бритониё, ИМА, Лаҳистон, Швейтсария, Ҳолланд, Ирландия, Ҷумҳурии Чех, Шветсия, Канада, Украина, Олмон ва Норвегия аз фиристодани варзишгарони худ ба мусобиқа худдорӣ карданд.
Хазинаи ҷоизаи чемпионат беш аз 5 млн долларро ташкил дода, барандаҳои ҷойи аввал дар ҳамаи вазнҳо 200 ҳазор доллар, барандагони медали нуқра 100 ва барандагони медали биринҷӣ 50 ҳазор доллар дарёфт хоҳанд кард.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
