Наврӯз Каримзода шоҳҷоизаи 10-ҳазордоллараи Раиси шаҳри Душанберо дар риштаи кӯштии миллӣ ба даст овард.
Наврӯз Каримзода зодаи шаҳраки Баҳманрӯди ноҳияи Темурмалик буда, аз овони кӯдакӣ дар шаҳри Душанбе зиндагӣ мекунад. Ӯ дастпарвари клуби варзишии Парвиз Собиров аст ва Фаррӯх Собирзодаро устоди худ медонад. Наврӯз дар баробари ғолибияташ дар мусобиқаҳои дохилӣ борҳо парчами кишварро дар хориҷ баланд бардоштааст.
Соли 2013 дар Ҷумҳурии мардумии Чин дар чемпионати Осиё сазовори ҷойи дуюм, соли 2019 дар чемпионати ҷаҳон оид ба мусобиқаи кӯштии “Қазоқ кураш”, ки дар Ҷумҳурии Қазоқистон баргузор гардид, сазовори ҷайи аввал гардида, бо медали тилло ба Ватан бармегардад. Инчунин охири соли 2022 дар Ҳиндустон сазоворӣ ҷойи сеюм ва инак, дар вазни 73 кг оғози соли 2023 Ҷоми раиси шаҳри Душанберо бо маблағи 10 000 доллар соҳиб шуд.
Ин варзишгари тоҷик борҳо дар майдонҳои муҳориба дастболо гардида, шоҳҷоиза-автомашинаро соҳиб шудааст. Аз ҷумла, 22 марти соли равон дар майдони кӯштии ноҳияи Темурмалик шоҳҷоиза насибаш гардид.
Наврӯз Каримзода ҳудуди 15 сол аст, ки дар майдонҳои хурду бузург қувваозмоӣ мекунад. Ҳамзамон дар риштаи Дюздо низ муваффақ аст.
«Мехоҳам мисли ҷаҳонпаҳлавон Саидмуъмин Раҳимов муаррифгари миллиати тоҷик дар арсаи ҷаҳон бошам. Бояд шамъи хотираи паҳлавони номдору таърихии тоҷик-Саидумуминро ҷавонмардони ноҳияи Темурмалик рушан нигоҳ доранд.»,-таъкид мекунад Наврӯз Каримзода.
Шералӣ Давлатов
