Дар сурати дастгирӣ ёфтани пешниҳоди Кумитаи ҳифзи муҳити зист аз ҷониби ҳукумат, воридоти маҳсулоти плостикӣ дар Тоҷикистон манъ хоҳад гардид.
Баҳодур Шерализода, Раиси кумитаи ҳифзи муҳити зист зимни нишасти хабарӣ гуфт, партовҳои пластикӣ мушкилии муҳими экологӣ натанҳо дар Тоҷикистон, балки дар ҷаҳон ба шумор меравад.
Бинобар ин, аз ҷониби Барнома СММ оид ба масоили муҳити зист (UNEP) дар хусуси манъи маводҳои яккаратаи пластикӣ гуфтушунидҳо дар сатҳи байналмиллаӣ идома дорад.
«Барои пешгирии ифлосшавӣ аз партовҳои пластикӣ санад «Дар бораи манъи воридот ва истифодаи борҷомаҳои пластикӣ», ки бо вазорату ниҳодҳои дахлдор мувофиқа шудааст айни ҳол дар баррасии Ҳукумати ҶТ аст.»-гуфт ӯ.
Ба иттилои раиси кумитаи ҳифзи муҳити зистии Тоҷикистон онҳо бо марказҳои савдои «Ашан», «Пайкар» аксияи «Аз пластик даст кашед» гузаронда, афкори ҷомеаро дар бораи зиёни плостик дигар кардан мехостанд. «Бояд шаҳрвандон дар масоили экологӣ маълумот дошта бошанду бо муҳити зист эҳтиёткор бошанд.»,-таъкид намуд Баҳодур Шерализода.
Бояд гуфт, маводҳои пластикӣ ва полиэтиенӣ, ки аксар вақт мавриди истифодаи якдафъаина қарор дорад, барои муҳити зисти инсон мушкилот эҷод кардааст.
Муҳитшиносон мегӯянд, дар як сол беш аз 4 триллион пакети пластикӣ дар гардиш қарор мегирад, ки аз таъсири он ҳамасола ба 1 миллион парранда мерасад, ва ҳазорон ҷонварони баҳрӣ ва шумораи зиёди моҳиҳо ба нестӣ мерасанд.
Дар акс Баҳодур Шерализода. Манбаъ:tajnature.tj
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
1
+1
+1
+1
+1
+1
