Твиттер рӯзи 14 декабр аккаунтҳоеро, ки макони будубоши ҳавопаймоҳои хусусиро пайгирӣ мекунанд, баст, аз ҷумла аккаунтеро, ки ҳавопаймои Илон Маскро пайгирӣ мекард. Маск дар Твиттер навишт, ки ин ҳисобҳо (аккаунтҳо) маълумоти шахсии ғайридавлатиро ифшо мекунанд.
Ҳисоби @ElonJet, ки беш аз ним миллион пайрав дорад, барои вайрон кардани қоидаҳои Twitter баста шуд. Баъд аз он рӯз, саҳифаҳое низ баста шуданд, ки ҳавопаймоҳои директори Meta Марк Сукерберг ва муассиси Amazon Ҷефф Безосро пайгирӣ мекунанд.
Ҳисоби @ElonJet ба барномасози амрикоӣ Ҷек Суинӣ тааллуқ дорад. Ин дар ҳолест, ки Маск аввали моҳи ноябр эълон карда буд, ки ӯ ҳисоби @ElonJet-ро масдуд намекунад, ҳатто бо назардошти хатари амнияти хеш.
Илон Маск ва Ҷек Суинӣ. Акс аз Шабакаи интернет
