Як шаҳрванди Русия бо гумони бузургтарин ҳамлаҳои ҳакерӣ дар Канада боздошт шуд. Шаҳрванди Русия ва Канада Михаил Василев дар яке аз шаҳри Канада бо гумони анҷоми як силсила ҳамлаҳои ҳакерӣ дар ҷаҳон бо истифода аз вируси ransomware LockBit боздошт шуд. Дар ин бора хабаргузории BleepingComputer бо истинод ба Europol хабар медиҳад.
Бино ба иттилои хадамоти пулиси Иттиҳодияи Аврупо, ин шаҳрванди 33-солаи рус дар ташкили ҳамлаҳо ба инфрасохтори муҳим ва ширкатҳои бузурги саноатӣ дар саросари ҷаҳон гумонбар дониста мешавад. Гуфта мешавад, ки ин мард бо ин ҳадаф аз вируси ransomware LockBit истифода кардааст.
Ба гуфтаи ин созмон, дар ҷараёни як рейд дар Онтарио рӯзи 26 октябри соли ҷорӣ як гумонбар боздошт шудааст. Дар ин амалиёт афсарони хадамоти истихборотии Амрико ширкат кардаанд
Аз гумонбар ду силоҳи оташфишон, 8 компютер, 32 диски сахт ва 400 000 евро, инчунин криптовалюта мусодира шудааст. Интизор меравад, ки алайҳи ӯ дар Иёлоти Муттаҳида парванда боз шавад. Ба гуфтаи муфаттишон, ин мард яке аз шарикон аст, на раҳбари амалиёт.
Акс аз шабакаи интернет
