Дирӯз, 8 апрел дар Муассисаи давлатии «Маркази рушди истеъдодҳои назди Сараёсати маорифи шаҳри Душанбе» даври шаҳрии озмуни «Забон донӣ-ҷаҳон донӣ» оғоз гардид.
Озмун байни хонандагони синфҳои 5-8 ва 9-11-и муассисаҳои таҳсилоти миёнаи умумии шаҳри Душанбе ва дар ду бахш — (назариявӣ ва амалӣ) аз рӯйи шартҳои зерин гузаронида мешавад: «Маҳорати суханварӣ» (бо се забон), «Эссе» (бо се забон), «Қироати шеър» (бо се забон), «Имло» (имлои дурусти калима дар матн) ва «Тарҷума» (пешниҳоди матни бадеии забони тоҷикӣ ба забонҳои русиву англисӣ).
Озмун дар се давра аз моҳи январ то моҳи апрел гузаронида шуда, дар ҳар давр вобаста ба ҳар номинатсия то 3 ғолиб (ҷои якум –1 нафар, маблағи 15 000 сомонӣ, ҷойи дуюм –1 нафар, 10 000 сомонӣ ва ҷойи сеюм –1 нафар, 5000 сомонӣ) муайян карда шудааст.
