Аз 6 то 13 октябр дар шаҳри Тошканди Ҷумҳурии Узбекистон Чемпионати ҷаҳон оид ба гӯштини дзюдо миёни калонсолон баргузор мегардад, ки дар он 563 варзишгар аз 85 кишвар ширкат хоҳанд кард.
Тоҷикистонро дар ин мусобиқа 9 гӯштигир-Эмомалӣ Нуралӣ (то 66 кг), Беҳрӯз Хоҷазода ҳамроҳ бо Муҳаммадраҳим Сарахонов (то 73кг), Шодмон Ризоев бо Сомон Маҳмадбеков (то 81кг), Ҷаҳонгир Маҷидов ҳамроҳ, Комроншоҳ Устопириён (то 90кг), Абубакри Акобир (то 100кг) ва Темур Раҳимов дар вазни +100кг намояндагӣ мекунанд.
Дар қувваозмоиҳои инфиродӣ барои ҷои аввал 26000 евро, барои ҷои дуюм 15000 евро ва барои ҷои сеюм 8000 евро ҷоизаи пулӣ пешбинӣ шудааст. Дар рақобати даставии омехта ба ғолиб 90000 евро, ба барандаи ҷои дуюм 60000 евро ва ба барандагони ҷои сеюм 25000-евроӣ тақдим хоҳад шуд.
