Дастаи мунтахаби футзали Тоҷикистон дар бозии ниҳоии марҳилаи гурӯҳии Ҷоми Осиё-2022 бар тими миллии Туркманистон бо ҳисоби 8:5 пирӯз шуда, дар гурӯҳи «В» мақоми дуюмро касб кард ва ба даври чаҳорякниҳоӣ роҳ ёфт.
Дар ҳайати тими мунтахаби мо Идрис Ёров 4 гол, Файзалӣ Сардоров ду гол, Муҳаммадҷон Шарипов як гол, як голи дигарро футболбозони туркман ба дарвозаи дастаашон заданд.
Шогирдони Пайрав Воҳидов дар даври ¼-ниҳоии Ҷоми Осиё-2022 бо ғолиби гурӯҳи «А» — тими футзали Тайланд бозӣ мекунанд. Вохӯрии дастаҳо 4-уми октябр соати 19:00 бо вақти Душанбе оғоз меёбад.
Дар бозии дигари гурӯҳи «В» тими Узбекистон бар дастаи Баҳрайн бо ҳисоби 6:1 ғалаба кард. Ҳарифаш дар чорякфинал дастаи футзали Кувайт мебошад, ки дар гурӯҳи “А” ҷои дуюмро ишғол кард.
Қобили зикр аст, ки тими миллии футзали Тоҷикистон бори охир понздаҳ сол қабл – соли 2007 ба даври чорякниҳоии Ҷоми Осиё роҳ ёфта буд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1