БОЛМураббии варзиш дар Дубай. Машаққату муваффақияти Амриддин

Мураббии варзиш дар Дубай. Машаққату муваффақияти Амриддин

-

Амриддин Соҳибзода, ки ҳоло дар Дубай кору зиндагӣ мекунад, меҳмони навбатии барномаи «Бол» аст.

Амриддин факултаи ҳуқуқшиносии Донишгоҳи миллии Тоҷикистонро соли 2015 хатм кардааст. Замони донишҷӯӣ дар толори варзишӣ мураббӣ буд ва шогирдони зиёд дошт. Пас аз хатми донишгоҳ имкон пайдо кард, ки фаъолияти мураббигии хешро дар Дубай идома диҳад. Ибтидо дар ин шаҳр машаққати зиёд кашидааст.

“Вақте ман ба Дубай омадам, шаҳодатномаву гувоҳномаҳои мураббигии маро ба эътибор нагирифтанд. Мегуфтанд, ки бояд диплом, шаҳодатномаву гувоҳномаро аз Дубай дошта бошам. Ваъда додам, ки онҳоро ба даст меорам. Лекин маош каму иҷора гарон буд, моҳҳои аввал дар тамрингоҳ мехобидам. Кори бемашаққат нест… Бекориву ноумедиҳои зиёдро пушти сар кардам. Шукр, ки ҳамааш гузашт ва ҳоло бо ҳамсару се фарзандам дар ин шаҳри калон кору зиндагӣ дорам.”,-ба ёд меорад ӯ.

Амриддин корро аз сифр оғоз намуд. Собит кард, ки варзишгари хубест ва имтиҳонро аз Бокс, Кигбоксинг, ММА Муай-тай ва дигар навъи варзиш гузашт. Соҳибони тамрингоҳҳо ба ӯ бовар карданд ва акнун соҳиби кори хубу шогирдони номовар ҳаст.

Амриддин аз соли 2016 дар Дубай зиндагӣ мекунад. Ду писараш дар ин шаҳр мактаб мераванд ва хеле фаъол ҳастанд. Забонҳои англисӣ, арабӣ ва фаронсавиро меомӯзанд. Бо падар тамрин мекунанд, дар мусобиқаҳо мақоми намоёнро ишғол менамоянд.

«Ҳамеша аз Тоҷикистон тавсиф мекунам, аз харита кишварамро барояшон нишон медиҳам, дар бораи бузургони миллати хеш ва маконҳои таърихӣ нақл мекунам.», —бо ифтихор мегӯяд ин варзишгар.

Ҳамсуҳбати мо нақл мекунад, ки то замони оламгир шудани бемории COVID-19 ҳар сол ду-се бор ба Тоҷикистон меомад. Пас аз бемории оламгир монеаҳо зиёд шуданд. Ҳоло намедонад кай ба Ватан бармегардад. 

Ҳафизуллоҳ ТОҲИРӢ

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
9
+1
3
+1
0
+1
0
+1
0
+1
0
+1
0

ХАБАРҲОИ ОХИРИН

Иштирок дар Барномаи Diversity Visa (Green Card) имконпазир гардид

Имрӯз, 5 октябри соли 2022 иштирок дар Барномаи Diversity Visa ё Лотереяи "Корти сабз" (Green Card) баро соли 2024...

30 сонияи тақдирсоз: бохти футзали Тоҷикистон дар охирин лаҳза

Тими мунтахаби футзали Тоҷикистон бозиҳои худро дар Ҷоми Осиё-2022 дар Кувайт анҷом дод. Дар даври чорякфиналӣ дастаи мо дар муборизаи...

Тасвири «Товуси»-и девори ҳамсоя Алиёрро рассом кард

Алиёр Акбаров, ҷавони 26 – солаи тоҷик рассомӣ, ҳайкалтарошӣ, кандакорӣ ва дизайнерӣ мекунад ва аз ин ҳисоб рӯзғорашро пеш...

Парвоз бо як камзул

Моҳи сентябр технолог ва ихтироъкори камзули парвозкунанда - Ричард Браунинг ихтироъи худро озмоиш кард. Камзули реактивӣ дар Намоишгоҳи саноатии...
spot_imgspot_img

Футзали Тоҷикистон дар чаҳорфинал

Дастаи мунтахаби футзали Тоҷикистон дар бозии ниҳоии марҳилаи гурӯҳии Ҷоми Осиё-2022 бар тими миллии Туркманистон бо ҳисоби 8:5 пирӯз...

Тағаймурод дар Лондон. Чаро кори кишоварзиро ба меҳмонхонадорӣ иваз кард?

Тағаймурод Шоинов меҳмони навбатии барномаи “Бол” аст. Ӯ бо раводиди корӣ барои кор дар бахши кишоварзӣ ба Бринтанияи Кабир...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад