БОЛАз таҳсил то ширкаткушоӣ дар Чин. Беҳрӯз чӣ гуна...

Аз таҳсил то ширкаткушоӣ дар Чин. Беҳрӯз чӣ гуна муваффақ гардид?

-

Ин навбат “Бол” аз парвози Беҳрӯз Сайфиддинов мегӯяд. Ӯ ҳоло дар Ҷумҳурии Халқии Чин қарор дошта, барои тоҷирони тоҷик маҳсулоти лозимиро яклухт ва чакана дастрас намуда мефиристад.

Беҳрӯз пас аз хатми мактаб ба коллеҷи тиббӣ дохил шуда, мехост таҳсилашро дар Донишгоҳи тиббии Тоҷикистон давом диҳад, вале муваффақ нашуд. Баъд аз ин, бо роҳнамоии бародараш, ки тарҷумон буд, ба Донишкадаи давлатии забонҳои Тоҷикистон ба номи С. Улуғзода дохил шуд. Ҳамин тавр, самти интихобкардаашро дигар кард ва дар риштаи тарҷумонӣ ду сол таҳсил кард. Ин муддат дар маркази забономӯзии “Конфутсий” забони чиниро аз худ карда, имконияти таҳсил дар Чинро ба даст овард.

“Ман бурсияи чорсола ба даст оварда, солҳои 2013 2017 зинаи бакалаврро дар Чин ба поён расонидам. Маъмурияти донишгоҳ барои идомаи таҳсил дар зинаи аспирантура ташвиқ намуданд ва ман низ рад накарда, дар ин зина таҳсил кардам. Хостам ба Ватан баргардам, аммо дунёро ваҳшати коронавирус фаро гирифт. На аз рӯи ихтисос кор карда мешуду на ба Ватан баргашта метавонистам.  Ба зеҳнам таъсиси ширкати тиҷоратӣ расид, ки ба сифати сохтори миёнарав ба тоҷирони тоҷик молу маҳсулот мефиристад. Ҳоло ба ин кор машғулам.”, — нақл намуд ӯ.

Ҳоло Беҳрӯз тибқи фармоиши тоҷирони тоҷикистонӣ аз Чин молу маҳсулот мефиристад. Яъне, нақши миёнаравро иҷро мекунад.

“Замони таҳсил дар зинаи аспирантура имкон буд, ки дар сафоратхонаи Чин дар Душанбе кор кунам, вале роҳҳо баста шуданд, мо тиҷоратро пеша кардем. Шояд оянда дар Тоҷикистон ҳамчун муаллими забони чинӣ фаъолият кунам.”, — гуфт Беҳрӯз.

Беҳрӯз овозхонӣ низ мекард. Замони донишҷӯиаш дар Тоҷикистон бо роҳнамоии ҳунарманди маъруф Тобиш Ҳилолӣ малакаи овозхонияшро такмил намуда, дар чандин озмун ширкат кардааст.

Беҳрӯз мегӯяд, дар Чин имконот фаровон буда, вобаста ба малакаи дошта мешавад кори муносиб пайдо кард.

Ҳафизуллоҳ ТОҲИРӢ

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
13
+1
4
+1
2
+1
2
+1
0
+1
1
+1
0

ХАБАРҲОИ ОХИРИН

Дастгирии лоиҳаи занони осепазир: таҷҳизоти хайётию пӯхтупаз ва чорво

Рисолат (номи шартӣ) хушунат дидааст. Ӯ ҷойи зист надорад ва дар бинои як муассисаи давлатӣ зиндагӣ мекунад. Ин зан дар...

Роҳандозии тарҷумони худкор дар WhatsApp

WhatsApp тарҷумони худкорро ба забони русӣ ва дигар забонҳо барои дастгоҳҳои Android ҷорӣ кард. Дар ин бора WABetaInfo (WBI)...

Redmi K70 Ultra бо нишони Lamborghini

Xiaomi эълон кард, ки смартфони Redmi K70 Ultra бо нишони Lamborghini пешниҳод месозад.  Интизор меравад, ки муаррифии модели  Redmi K70...

Эълони пардохти кумакпулӣ дурӯғ аст!

Эълон оид ба пардохти маблағ барои нафарони солҳои 1990-2024 фаъолияткарда асосӣ воқеӣ надорад. Вазорати меҳнат, муҳоҷират ва шуғли аҳолӣ бо...
spot_imgspot_img

77%-и кӯдакон дар Суғд ба кӯдакистон намераванд

Дар минтақаи Суғд 45 ҳазор кӯдак ба муассисаҳои томактабӣ фаро гирифта шудаанд. Давоми як соли охир фарогирӣ ба кӯдакистонҳо...

Таҳсили духтарон. Кадом мушкилиҳо вуҷуд дорад?

Моҳиолам Каримова аз минтақаи дурдасти кишвар аст. Бо вуҷуди ин, тавонист дар коллеҷи тиббии ноҳияи Рашт шомил гардад. Ӯ...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад