Муин Ғафуров размкори шинохтаи тоҷик бори дигар таъдид намуд, ки ба UFC мебарояд.
“Баъди пирӯзӣ дар UFC ба Тоҷикистон бармегардам. Интизори муҳориба барои унвон (титул) ҳастам.”,-қайд намудааст ӯ зимни мусоҳибааш бо бо ютубер Баҳриддин Ҷалолов.
Муин ҳоло дар Амрико қарор дорад ва бештари вақташро ба тамрин сипарӣ мекунад. Айни ҳол дар яке аз толорҳои варзишии Верҷиния машқ дорад. “Кам кам кор мекунам. Ин айб нест, ҳади ақал барои бензин ва либос…”,-мегӯяд Муин.
Ёдовар мешавем, ки моҳи декабри соли гузашта Муин Ғафуровро аз ширкат дар мубориза давоми шаш моҳ маҳрум намуда буданд. Барои ташхиси мусбати допинг размкори тоҷик Муин Ғафуровро аз ҳаққи ширкат дар набрдҳо барои шаш моҳ маҳрум кардаанд, хабар дода буд MMA Fighting.
Санҷиш муайян кардааст, ки дар тани ӯ маводи барои варзишкорон мамнуи канренон мавҷуд аст.
Ғафуров охирин қувваозмоии худро бо Чад Анҷелигери канадагӣ моҳи сентябри соли гузашта дар чаҳорчӯби мусобиқаи «Dana White’s Contender Series» анҷом дода буд.
Дар сурати пирӯзӣ Муин метавонист дар таърих ҳамчун аввалин размкор аз Тоҷикистон, ки бо UFC шартнома баст, сабт шавад, аммо бо қарори доварон ӯ мағлуб эълон шуд.
Размкори ҷавон рақобатҳои касбияшро аз соли 2013 оғоз карда, то кунун 21 разм гузаронидааст, ки 18-тои онро бо пирӯзӣ ва чортоашро бо бохт анҷом додааст.
