МУВАФФАҚИЯТКори Дилноза дар театр ва ҳамкорӣ бо блогерон

Кори Дилноза дар театр ва ҳамкорӣ бо блогерон

-

Дилноза хатмкардаи риштаи актёрии Донишкадаи фарҳанг ва санъати Тоҷикистон ба номи Мирзо Турсунзода буда, ҳоло ҳунарпешаи Театри давлатии ҷавонон ба номи Маҳмудҷон Воҳидов аст.

Ӯ зодаи шаҳри Панҷакент аст. Дар ибтидо орзуи ҳунарманд шуданро надошт. Мехост шашмақомхон бошад, вале вақти бақайдгирӣ дар Маркази миллии тестӣ, ихтисоси актёриро интихоб карду дар вақти таҳсил ба он меҳр баст.

Дилноза мегӯяд, дар донишкада аз устодоне чун Қурбони Собир ва Нозими Мелик дарси актёрӣ омӯхтааст ва маҳз бо тавсияву роҳнамоии эшон ба дарсҳо ҷиддӣ машғул шуда, имрӯз соҳиби ҷойи кор шуд.

Ӯ собит карданист, ки ҳунарманд будани зан бероҳагӣ нест, балки ин соҳа барои марду зан яксон аст ва ҳама ҳунармандон як рисолат доранд, ҳолати ҷомеаро нишон додан ва мардумро ба роҳи дуруст ҳидоят кардан.
Дилноза пас аз хатми донишкада ба театр рафт, вале онро тасодуфӣ намедонад:
«Устодон моро аз курси аввал ба тамошои намоишномаҳои театрӣ роҳнамоӣ мекарданд. Ман дар театр вақти тамошои ин ё он намоиш ба ҷойи ҳунармандон худамро тасаввур мекардам ва кӯшиш мекардам, ки барои иҷрои нақшҳои иҷрошуда гузинаҳои худамро дошта бошам.»
Инчунин, ҳамсуҳбати мо дар якчанд намоҳангҳо ва наворҳои блогерон нақш бозид ва ин корашро даромади иловагӣ мегӯяд.
«Ҳар шому саҳар дар фазои маҷозӣ духтаронеро мебинем, ки мақоми ҳунармандро пойин бурда, дар наворҳои блогерон ва клипҳо нақш меофаранд. Ҳеҷ вақт орзу надоштам, ки ман ҳам ба нақшофарӣ дар чунин наворҳо розӣ шавам. Вале чун маош кам аст, ин як роҳи даромад барои мост.«, — гуфт ӯ.
Наворҳое, ки дар он Дилноза нақш бозидааст, ба чанде аз устодону дӯстонаш хуш наомадаанд, вале ҳоло шомили гурӯҳи “Sobirov team” аст ва мувофиқи шартнома ҳақ надорад бо блогерони дигар ҳамкорӣ кунад. Ба андешаи ӯ, мақсади бачаҳои ин гурӯҳ ба аҳдофи ӯ мувофиқ аст.
Навори аз ҳама сертамошобини қаҳрамони мо “Хостгорӣ” ном дорад ва он мисли вирус дар Instagram паҳн шудааст.
Дилноза чеҳраи нави пардаи телевизионҳои мо буда, интизори дархосту пешниҳодоти филмофарон аст.

Ҳ. ТОҲИРӢ

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
7
+1
9
+1
1
+1
0
+1
0
+1
1
+1
0

ХАБАРҲОИ ОХИРИН

IPhone 16 чӣ имкониятҳои навро дорост?

Apple метавонад хотира ё RAM-ро дар iPhone 16 зиёд кунад. Apple маҷбур шудааст, ки миқдори хотираи оперативиро дар iPhone...

Чин Intel-и амрикоиро аз истифода берун мекунад?

Вазорати саноат ва технологияҳои иттилоотии Чин қоидаҳои нави хариди таҷҳизот барои ниҳодҳои давлатиро нашр кард, ки дар он ба...

Барномаи мобилӣ барои кор дар Британияи Кабир

Just Good Work як барномаи мобилии ройгон аст, ки тамоми маълумот ва маслиҳатҳоро бобати кор дар Британияи Кабир метавон...

Кӣ кумакҳои унвонии иҷтимоиро дарёфт мекунад?

Аз 1 январи соли 2024 андозаи кумакпулии унвонии иҷтимоӣ барои як оила ва шаҳрванди камбизоат дар ҳаҷми 10 нишондиҳанда...
spot_imgspot_img

Русия мусодираи крипто-асъорро баррасӣ мекунад

Думаи давлатии Федератсияи Русия, дар доираи иҷлосияи баҳорӣ, метавонад қонун "Дар бораи танзими гардиши крипто-асъор"-ро қабул кунад, ки таъсиси...

11 ҷудочии мо дар ANTALYA GRAND SLAM 2024

Тими ҷудои Тоҷикистон ба мусобиқаи навбатии “World Judo Tour” – ANTALYA GRAND SLAM 2024 дар ҳайати 11 нафар ширкат...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад