Иқтидори ҷавонон барои омодагӣ ба ҳолатҳои фавқулодда қавӣ гардонида шуд. Рӯзҳои 23-юм ва 24-уми июли соли 2022 дар мавзеи Чилучорчашма лагери дурӯзаи таълимӣ бо мақсади омодагӣ ба ҳолатҳои фавқулодда барои иштирокчиёни лоиҳаи «Ҳеҷ кас дар канор намемонад (Фарогир)» баргузор гардид.
30 иштирокчии фаъоли лоиҳа омӯзиш оид ба ёрии аввалини тиббию равонӣ, ташкили лагери хаймавӣ барои гурезагон ва ҳалли мушкилотро гузашта, масъалаҳои мушкилоти экологӣ ва роҳҳои ҳалли онҳоро муҳокима карданд. Мақсади омӯзиш — дар ҷавонон ташаккул додани масъулияти бошууронаи шахсӣ дар назди муҳити зист ва пайдо кардани малакаҳои вокуниш ба ҳолатҳои фавқулодда мебошад.
Тренерон оид ба принсипҳои расонидани ёрии аввалия ҳангоми хунравӣ ё заҳролудшавӣ, барқарорсозии фаъолияти дилу шуш, риояи гигиена, пешгирии сироятҳои шадиди вирусии респираторӣ ва тарзи ҳаёти солим маълумот ироа намудаанд.
