МУВАФФАҚИЯТМехоҳед донишҷӯ бошед? Имконияти нав аз 4 то 13...

Мехоҳед донишҷӯ бошед? Имконияти нав аз 4 то 13 сентябр

-

Маркази миллии тестии назди Президенти Ҷумҳурии Тоҷикистон 4‑уми сентябр бақайдгирии довталабонро барои иштирок дар даври сеюми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Тоҷикистон оғоз кард.

Муҳлати давраи сеюми бақайдгирӣ дар шаҳри Душанбе то 13-уми сентябр ва дар шаҳру ноҳияҳои дигар то 12-уми сентябр муқаррар гардидааст. 

Нуқтаҳо барои бақайдгирии довталабон (давраи сеюм) дар 9 шаҳру ноҳияи интихобшудаи ҷумҳурӣ – Хоруғ, Хуҷанд, Панҷакент, Бохтар, Кӯлоб, Сино, Шоҳмансур, Данғара ва Рашт, ки рӯйхати онҳо дар зер оварда шудааст, ташкил гардидааст.

Дар ин давра шахсони зерин худро номнавис карда метавонанд:

— шахсоне, ки дар давраҳои якум ва дуюми бақайдгирӣ худро номнавис накардаанд;

— довталабони дар давраҳои якум ва дуюми бақайдгирӣ номнависшудае, ки дар имтиҳонҳо (даврҳои якум ва дуюм) иштирок накардаанд;

— довталабони дар даврҳои якум ва дуюми имтиҳонҳо иштироккардае, ки ба озмун роҳ наёфтаанд, яъне аз як ё якчанд субтест ба холи гузариш соҳиб нашудаанд;

— довталабони дар асоси яке аз озмунҳо – тақсимоти асосӣ, такрорӣ ва такрории иловагӣ комёбшудае, ки барои қабул дар муассисаҳои таълимии дахлдор ҳозир нашудаанд;

— довталабоне, ки дар асоси дар яке аз озмунҳо – тақсимоти асосӣ, такрорӣ ва такрории иловагӣ аз рӯйи ихтисосҳои самти тиб гузаштаанду вале бинобар гирифториашон ба бемориҳое, ки шахсони ба онҳо мубталогашта ҳуқуқи таҳсил карданро дар муассисаҳои таълимии тиббӣ надоранд, ба ин муассисаҳои таълимӣ қабул нашудаанд.

Тибқи нақшаи пешакӣ, довталабоне, ки дар давраи сеюми бақайдгирӣ худро номнавис мекунанд, имтиҳонҳо – қисмҳои А (имтиҳон дар заминаи таҳсилоти умумӣ) ва Б (имтиҳон дар заминаи таҳсилоти умумии асосӣ)-ро дар даври сеюм – 17-уми сентябр месупоранд. Дар ин давраи бақайдгирӣ ба довталабон 4 шаҳр – Душанбе, Хуҷанд, Бохтар ва Кӯлоб ҳамчун макони имтиҳонсупорӣ пешниҳод карда мешавад, ки онҳо яке аз инҳоро интихоб карда метавонанд.

Инчунин, барои довталабоне, ки дар ин давра ихтисосҳои дорои имтиҳонҳои эҷодӣ ва маҳорати махсусро интихоб мекунанд, имтиҳонҳои мазкур – қисми В рӯзи 18-уми сентябр дар муассисаҳои таълимии дахлдор гузаронда мешавад.

 нуқтаи бақайдгирӣ барои сабти номи довталабон:

1. Муассисаи таълимии таҳсилоти миёнаи умумии № 25-и ба номи Убайд Раҷаби ноҳияи Сино шаҳри Душанбе, воқеъ кӯчаи Исмоили Сомонии ноҳияи Сино;

2. Муассисаи таҳсилоти миёнаи умумии № 100-и ноҳияи Шоҳмансур шаҳри Душанбе, кӯчаи Назаршоев, 17;

3. Муассисаи таълимии таҳсилоти миёнаи умумии № 1-и ба номи Хоҷа Абдулхайрови ноҳияи Рашт ноҳияи Рашт, шаҳраки Ғарм, кӯчаи Исмоили Сомонӣ, 27;
4. Бахши минтақавии раёсати ташкил ва идораи имтиҳони Маркази миллии тестӣ дар шаҳри Хуҷанд, кӯчаи Мадади Сино, 5;
5. Бахши минтақавии раёсати ташкил ва идораи имтиҳони Маркази миллии тестӣ дар шаҳри Панҷакент, кӯчаи Лоиқ Шералӣ, 105;
6. Бахши минтақавии раёсати ташкил ва идораи имтиҳони Маркази миллии тестӣ дар шаҳри Бохтар, кӯчаи А. Расулов, 35;
7. Муассисаи таҳсилоти миёнаи умумии № 1-и шаҳри Кӯлоб, кӯчаи Исмоили Сомонӣ, 40;
8. Литсейи тамоюли техникии ба номи Афлотун, ноҳияи Данғара, кӯчаи Марказӣ, 30;
9. Донишгоҳи давлатии Хоруғ ба номи Моёншо Назаршоев, кӯчаи Ленин, 28.
Акс аз sputnik.tj
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

Чемпионати 9-уми Тоҷикистон кай баргузор мегардад?

Раёсати доварон ва нозирони Федератсияи футболи Тоҷикистон доварон ва нозирони бозиҳои даври нуҳуми чемпионати Тоҷикистон-2025 миёни дастаҳои лигаи олиро...

Ситораҳои футболи Русия ба Тоҷикистон меоянд

Ба ифтихори Рӯзи ҷаҳонии футбол 22 май дар Варзишгоҳи марказии шаҳри Душанбе миёни ситораҳои футболи Тоҷикистону Русия бозии...

Дӯстмурод Шарипов: ғазал аз Ҳофиз набудааст

Блогер Дӯстмурод Шарипов, ки айни ҳол дар Эрон қарор дорад, аз марқади Ҳофизи Шерозӣ низ дидан карда, ғазалеро ғироат...

Депарде ба ҳабси шартӣ маҳкум шуд

Додгоҳи ислоҳии Париж ҳунарпешаи фаронсавӣ Жерар Депардеро ба 18 моҳ ҳабси шартӣ барои парвандаи таҷовуз дар сабти филм дар...
spot_imgspot_img

Чин манъи харидории ҳавопаймоҳои Boeing-ро аз сар гирифт

Чин манъи харидории ҳавопаймоҳои Boeing-ро, ки аз нимаи моҳи апрели соли 2025 амал мекард, бекор намуд. Маҳдудият дар посух...

Губернатори Техас: қонунеро имзо мекунам, ки ба шаҳрвандони Русия ва Чин харидани амволро манъ мекунад

Губернатори иёлати Техаси Амрико Грег Эбботт ба зудӣ қонунеро имзо мекунад, ки ба шахсон ва ширкатҳо аз як қатор...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад