Бо пирӯзии тими мунтахаби Узбакистон аввалин чемпионати Ассотсиатсияи футболи Осиёи Марказӣ (CAFA) миёни дастаҳои мунтахаби занона дар Душанбе ба анҷом расид.
Дар даври ҳалкунанда тими занонаи Узбакистон бар тими Эрон бо ҳисоби 1:0 пирӯз шуд. Голро ба дарвозаи тими Эрон Мафтуна Шоимова аз тими занонаи Узбакистон дар дақиқаи 86-уми вохӯрӣ ба ҳадаф расонд.
Дар бозии дигар мунтахаби Қирғизистон бар тими миллии Тоҷикистон ба ҳисоби 1:0 пирӯз шуд.
Ба ин тартиб, тими мунтахаби занонаи Узбакистон дар чаҳор бозии худ чаҳор пирӯзӣ ба даст оварда, соҳиби 12 имтиёз ва барандаи мусобиқоти қаҳрамонии Ассотсиатсияи футболи Осиёи Марказӣ гардид.
Медалҳои нуқра бо ба даст овардани 9 имтиёз насиби бозигарони Эрон шуд. Медали биринҷӣ бо 4 имтиёз насиби мунтахаби Қирғизистон гардид.
