Меҳроҷ Самиев риштаи дорусозиро хатм намудааст. Ҳоло ба ҷуз фаъолияти дорусозӣ, рэпхонӣ низ мекунад. Ин ҷодаро баъди хатми мактаби миёна (соли 2014) интихоб кард. Яъне, ба риштаи дорусозии Донишгоҳи миллии Тоҷикистон дохил шуд, инчунин аввалин рэпи худро сабт намуд.
Меҳроҷ зиёдтар рэпҳои иҷтимоӣ мехонад ва дар онҳо мушкилоти ҷомеаро мегӯяд.
Рэпи “Музди маош” аз ҷумлаи чунин рэпҳо ба шумор меравад, ки бо мақсади арзон нафарӯхтани қувваи корӣ ва ҳамзамон, муносибату моширати корманду корфарморо қисса мекунад:
«Фикр мекунам, ки бояд кадрҳо қадр дошта бошанд ва худро арзон нафурӯшанд.», — таъид менамояд ӯ.
Аммо чунин рэпҳо дар миёни ҳаводорони рэпи тоҷик шунавандаи зиёд надоранд, вале Меҳроҷ боз ҳам аз ин мавзӯҳо мегӯяд.
Ӯ аз гуфтани мушкилот дар рэпҳояш намеҳаросад, зеро, дар доираи қонун ва ахлоқ эҷод мекунад.
Меҳроҷ яке аз беҳтарин “баттлер” миёни рэперҳои тоҷик буда, дар рақобатҳояш бо дигар “баттлерон” ҳамеша ғолиб меояд.
“Баттл” ё рақобат бо сухан инсонро суханвару ҳозирҷавоб мекунад, вале дар умум хуб нест, зеро, бо гузашти солҳо ба ин наворҳо нигариста шарм медорӣ. Шахсан худи ман ҳамин гуна ҳастам.»,- илова мекунад рэпер.
Меҳроҷ мегӯяд, рэп ба кори аслиаш халале намерасонад ва ҳамчунин кораш ба рэп.
Меҳроҷ як рӯзи ҳафтаро ба рэп мебахшад. Дигар рӯзҳо фаъолияташро тибқи тахассуси гирифтааш-дорусозӣ пеш мебарад.
Ҳ. ТОҲИРӢ
