Дар даври шашуми Чемпионати Тоҷикистон оид ба футбол 12 май ду даста бозии хешро ба поён расониданд.
«Дар бозии марказии даври шашуми Чемпионати Тоҷикистон-2022 дастаи «Хатлон»-и Бохтар бо тими «Истиқлол»-и Душанбе бозӣ кард. Ин вохӯрӣ бо ҳисоби мусовӣ – 1:1 хотима ёфт. Голи якумро дар дақиқаи 5-ум Муҳаммадҷон Насков ба самар расонид. Дар дақиқаи 86-ум легионери украинии душанбегиҳо Темур Партсвания голи ҷавобиро марбути номи худ сохт. Барои «Истиқлол» ин аввалин бозӣ дар мавсими ҷорӣ буд.»-хабар медиҳад Кумитаи олимпии Тоҷикистон
Бозии дастаи «Равшан»-и Кӯлоб бо тими «Хуҷанд» бидуни ҳеҷ гуна натиҷа ҷамъбаст гардид.
Бозиҳои даври ҳафтуми Чемпионати Тоҷикистон оид ба футбол миёни дастаҳои лигаи олӣ 14-15 май баргузор мешаванд. Фардо — рӯзи шанбе – “Равшан” (Зафаробод) бо “Файзканд”, КМВА бо “Эсхата”, рӯзи якшанбе бошад, “Регар-ТадАЗ” бо “Хатлон”, “Равшан” (Кӯлоб) бо “Истаравшан” ва “Истиқлол” бо “Хуҷанд” вомехуранд.
