Беҳрӯз Султонов тариқи шабакаҳои иҷтимоии Youtube, Instagram ва TikTok ба мардум машваратҳои ҳуқуқӣ медиҳад. Ӯ донишҷӯи соли 4-уми риштаи ҳуқуқшиносии Донишгоҳи милли Тоҷикистон буда, ҳамарӯза садҳо нафар аз ӯ машваратҳои ҳуқуқӣ мегиранд.
“Дар охири соли 2-юми донишҷӯӣ бо сабаби паҳн шудани бемори фарогири COVID-19 ба мо таътил доданд ва ман бештари вақтамро дар шабакаҳои иҷтимоӣ мегузаронидам. Ҳама гуна саҳифаҳоро пайгирӣ, вале ягон ҳуқуқшиносеро намедидам, ки ба мардум машварати ҳуқуқӣ диҳад. Сипас бо маслиҳати бародарам саҳифаи @qonun_tj_official – ро дар Instagram ва саҳифаи “Ҳуқуқи шумо” –ро дар YouTube боз намудам. Аз рӯзи аввали фаъолият эҳсос кардам, ки мардум ин иқдомро хуб пазируфтанд ва саволҳои зиёд пешниҳод мекарданд. Ҷавоби суолҳоро пайдо ва онҳоро қонеъ месохтам.”, – мегӯяд Беҳрӯз Султонов
Аз боз шудани саҳифаҳои ӯ дар Youtube, Instagram ва TikTok 2 сол пур шуда, теъдоди обуначиёнаш дар Youtube 15 ҳазар, Instagram 63 ҳазор ва дар TikTok тақрибан ба 20 ҳазор мерасад. Аксари суолҳоро обуначиёнаш ба ӯ ирсол мекунанд. Баъзе аз суолҳоро тариқи паёмак ҷавоб дода, қисмеро рӯйи навор оварда, ба обуначиёнаш пешниҳод менамояд.
“Ҳадафи ман аз пеш гирифтани ин ташшабус баланд бардоштани савияи дониши ҳуқуқии шаҳрвандон ва бохабар сохтани онҳо аз ҳуқуқу уҳдадориҳояшон мебошад.”, – таъкид менамояд Беҳрӯз.
Беҳрӯз масоили муҳими ҳуқуқиро ба мардум мефаҳмонад ва ҳамарӯза наворҳои ӯро то 100 ҳазор бинанда пайгирӣ мекунанд.
Довуд Акобиров
